Niprox Technology sikrar vasskvaliteten i heile bygningsmassen, frå det lukka varme- og kjøleanlegget til tappevatnet. Bedrifta starta tidleg på 1990-talet som spesialist på lukka varme- og kjøleanlegg, og har no vakse til å bli ein totalleverandør av vassbehandling for heile bygget.
Då Niprox skulle lansere eit heilt nytt produkt på VVS-dagane i oktober, fekk også nettsida ei oppgradering. Niprox har vore fast kunde hos A til Å i mange år, og den nye nettsida byggjer vidare på merkevara dei har opparbeidd gjennom åra.
Nettside
Den nye nettsida fortel kven Niprox er og kva dei leverer: vassbehandling i lukka anlegg gjennom Niprox-metoden, legionellasikring med LegioGuard, og ei samla løysing for heile bygget. Vi har lagt ned mykje arbeid i tekstane, både for å gjere innhaldet lett å forstå og for å styrkje synlegheita i søkemotorane.
Sida er bygd i WordPress, eit brukarvennleg og fleksibelt system. Denne gongen har vi òg teke i bruk eit nytt tema som gjer sida raskare og meir responsiv. Med referansar, aktuelt-saker og tydelege vegar vidare får besøkande raskt oversikt over kva Niprox kan hjelpe dei med.
Besøksstatistikk
På den nye nettsida har vi installert Koko Analytics, ei personvernvennleg analyseløysing som viser korleis besøkande brukar sida. Koko Analytics samlar ikkje inn personleg brukardata, og då er det heller ikkje nødvendig med samtykke til informasjonskapslar (cookies).
LegioGuard – nytt produkt og ny logo
Under slagordet «Trygt vatn. Punktum.» har Niprox lansert LegioGuard, ei løysing som førebyggjer legionella i tappevatnet. Logoen symboliserer trygg vassbehandling i bygg: eit hus og ein vassdråpe som saman viser samspelet mellom dei tekniske systema i bygget og reint, trygt vatn.
LegioGuard og Niprox-logoen forsterkar det visuelle bodskapet om vassbehandling i bygg. Dei to logoane er sterke kvar for seg, men fungerer òg godt saman.
Messemateriell
Niprox er å finne på messer over heile landet, og då er godt messemateriell avgjerande for å vise kven dei er. A til Å har levert messeveggar, roll-ups og foldarar med informasjon om produkta. I tillegg har vi laga ein heilt spesiell messevegg i metall, der Niprox har montert eit av anlegga sine, slik at kundane kan sjå løysinga i praksis.
Det har vore ein suksess: Niprox melder om godt besøk på standen, mange gode samtalar og stor interesse for LegioGuard.
Niprox er ein langvarig kunde hos oss, og vi takkar for fleire triveleg oppdrag.
